ගල්ගමුවේ දළ පූට්‌ටුවා

ගල්ගමුවේ දළ පූට්‌ටුවාට" ඇතින්නියකගේ සෙනෙහස 


කලාවැව රක්‍ෂිතයේදී අලි දෙදෙනකුගේ පහර කෑමට ලක්‌වූ zගල්ගමුවේ දළ පූට්‌ටුවා පෙරළා යළි එම අලියාට පහරදී එම අලියා සමග සිටි නාඹර වයසේ ඇතින්නියක සමග කලාවැව රක්‍ෂිතයෙන් බැහැරට පියමං කර අලුත් බළලුවැව රක්‍ෂිතයට පැමිණ ඇතැයි වයඹ වනජීවී කලාප භාර පශු වෛද්‍ය චන්දන ජයසිංහ මහතා ඊයේ (7 දා) පස්‌වරුවේ පැවැසීය.

දින ගණනාවක වෛද්‍ය ප්‍රතිකාර වලින් පසුව දළ පූට්‌ටුවා යළි සුපුරුදු දින චර්යාවන්ට අවතීර්ණව ඇති බව පවසන වෛද්‍යවරයා ඇතා කලාවැව රක්‍ෂිතයට පැමිණි ගමන් මාර්ගය ඔස්‌සේ යළි ගල්ගමුව රක්‍ෂිතයට යනු ඇතැයි අපේක්‍ෂා කරන බවද පැවැසීය. ඊයේ (7 දා) පස්‌වරුව වන විට අලුත් බළලුවැව රක්‍ෂිතයේ ගල්කිරියාගම, හිඟුරුවැල්පිටිය දෙසින් ඇතා නිරීක්‍ෂණය කළ බවත් එතැනින් රැස්‌වෙහෙරටත් ඉන්පසු ඇතාගේ සුපුරුදු වාසභූමිය වන ගල්ගමුව රක්‍ෂිතයට තවත් දින කීපයකින් ඇතුළුවනු ඇති බවත්, ඇතාට කණවැල ඇල්ලීම සඳහා නාඹර ඇතින්නියක්‌ මුණගැසී ඇති බවත් වෛද්‍යවරයා වැඩිදුරටත් පැවැසීය.


Divaina

ගල්ගමුවේ දළ පූට්‌ටුවා

news sri lanka Tuesday, November 8, 2011

ඩයස්‌පෝරාවේ ................

ඩයස්‌පෝරාවේ චෝදනාවල කිසිදු පදනමක්‌ නැහැ
කර්මාන්ත හා කුඩා ව්‍යවසාය සංවර්ධන
අමාත්‍ය ඩග්ලස්‌ දේවානන්ද

දෙමළ ජාතික සන්ධානයට මෙම ප්‍රශ්නය විසඳිය යුතුයි කියන කැමැත්තක්‌ නැහැ. මෙය දිගුකාලීන ප්‍රශ්නයක්‌ කරගැනීමටයි ඔවුනට අවශ්‍ය. එවිට තමන්ගේ දේශපාලනය රැකගත හැකි බවයි ඔවුන් විශ්වාස කරන්නේ. ඔවුන් විදේශ රටවල නියෝජිතයන් සමග විදෙස්‌ බලවේග මෙම ප්‍රශ්නයට සහභාගි කරවාගන්න උත්සාහ කරන්නේ එනිසයි. දෙමළ ජාතික සන්ධානයේ ඉතිහාසය දෙස බැලූ විට පෙනී යනවා ඔවුන්ට මෙම ප්‍රශ්නය විසඳීමට වුවමනාවක්‌ නැතැයි කියන කාරණය. අඬන කාන්තාවම තමයි දරුවාත් ප්‍රසූත කරගත යුත්තේ. වේදනාව තියෙන කාන්තාවම තමයි වේදනාව නැති කරගැනීමට කටයුතු කළ යුත්තේ. අපේ ප්‍රශ්නයක්‌ තියෙනව නම් විස¹ගත යුත්තේත් අපිමයි. එA සඳහා වෙන කවුරුවත් මැදිහත් විය යුතු නැහැ.ඊළාම් ජනතා ප්‍රජාතන්ත්‍රවාදී පක්‍ෂයේ මහ ලේකම් සම්ප්‍රදායික කර්මාන්ත හා කුඩා ව්‍යවසාය සංවර්ධන අමාත්‍ය ඩග්ලස්‌ දේවානන්ද මහතා සමග දිවයින "කුජදා හමුව" කළ සාකච්ඡාවකි මේ.

උතුර නැගෙනහිර පවතිනවාය කියන ප්‍රශ්නය ඔබ පක්‍ෂය හඳුනාගෙන තියෙන්නේ මොන ආකාරයෙන්ද?

මේ රට සහ රටේ ජනතාව විනාශ මුඛයට ඇදගෙන ගිය යුද්ධය දැන් අවසන් වෙලා තියෙනවා. යුද්ධයට හේතුවක්‌ වුණේ දෙමළ ජනතාවගේ දේශපාලනය සම්බන්ධ වූ ප්‍රශ්නයයි. එම ප්‍රශ්නය විසඳීම සඳහා වත්මන් රජය කටයුතු දියත් කර තිබෙනවා. මෙම ප්‍රශ්නය සඳහා පාර්ලිමේන්තු තේරීම් කාරක සභාවක්‌ හරහා විසඳුමක්‌ ලබාගැනීමට බලාපොරොත්තු වෙනවා.

දේශපාලන ප්‍රශ්නයක්‌ යනුවෙන් ඔබ අදහස්‌ කරන්නේ කුමක්‌ද?

පැහැදිලිවම දේශපාලන අයිතිවාසිකම් පිළිබඳ ප්‍රශ්නයකුයි තියෙන්නේ.

හොඳයි ඔය කියන දේශපාලන ප්‍රශ්නයට ඔබ පක්‍ෂය යෝජනා කරන විසඳුම කුමක්‌ද?

අප පක්‍ෂය දීර්ඝ කාලයක්‌ තිස්‌සේ යෝජනා කරන්නේ ආණ්‌ඩුක්‍රම ව්‍යවස්‌ථාවෙන් ස්‌ථාපිත කර ඇති පළාත් සභා ක්‍රමය මුළුමනින්ම ක්‍රියාත්මක කරන්න කියායි. මෙම ප්‍රශ්නයට විසඳුම් ලබාදීම එතැනින් පටන්ගෙන ඉදිරියට යන්න පුළුවන්.

දැනටමත් පළාත් සභා ක්‍රමය ක්‍රියාත්මකනේ.

පළාත් සභා ක්‍රමය දකුණේ සෑම පළාතකම ක්‍රියාත්මක වුණත් උතුරේ ක්‍රියාත්මක වන්නේ නැහැ. උතුරේ පළාත් සභා ක්‍රමය ක්‍රියාත්මක කිරීමට පටන් ගැනීමෙන් දෙමළ ජනතාවගේ දේශපාලන ප්‍රශ්නයට විසඳුමක්‌ ලබාදීමේ කටයුතු ආරම්භ කළ හැකියි.

පාර්ලිමේන්තු තේරීම් කාරක සභාවකින් මෙම ප්‍රශ්නයට විසඳුමක්‌ ලබාගත හැකියි කියලා ඔබ පක්‍ෂය විශ්වාස කළත් දෙමළ ජාතික සන්ධානය එය ප්‍රතික්‍ෂේප කරලා තියෙනවා. ඔවුන් පවසන්නේ මෙය තවත් කල්මැරීමක්‌ පමණයි කියලයි.

මෙම කමිටුව පත් කරලා නැති නිසා ඔවුන් තවම ස්‌ථිර වශයෙන්ම මෙය ප්‍රතික්‍ෂේප කරන බවක්‌ කියලා නැහැ. අපට ලොකු විශ්වාසයක්‌ තියෙනවා මෙම පාර්ලිමේන්තු තේරීම් කාරක සභාවෙන් දෙමළ ජනතාවගේ දේශපාලන ප්‍රශ්නයට විසඳුමක්‌ ලබාගන්න පුළුවන් වෙයි කියලා.

පසුගිය කාලයේදී රජය උතුරේ සංවර්ධන කටයුතුවලට විශාල බරක්‌ තැබුවා. උතුරට "උතුරු වසන්තය" ගෙන ගියා. නමුත් පළාත් පාලන මැතිවරණයේදී වැඩි බලය හිමිවන්නේ දෙමළ ජාතික සන්ධානයටයි. මේ තත්ත්වය ඔබ දකින්නේ කොහොමද?

දෙමළ ජාතික සන්ධානයේ ජාතිවාදී දේශපාලනයකට ජනතාව රැවටුණා කියලයි මුලින්ම කියන්න තියෙන්නේ. මැතිවරණ කාලයේදී එගොල්ලෝ ගෙනගිය ප්‍රචාරක කටයුතු මුළුමනින්ම ජාතිවාදීයි. නමුත් ඊළඟ මැතිවරණයේදී මෙම තත්ත්වය අපට වෙනස්‌ කරගන්න පුළුවන්. දෙමළ ජාතික සන්ධානයේ වැරැදි මාර්ගයට තමන් ගොදුරු වුණා කියලා ජනතාව තේරුම් අරගෙනයි සිටින්නේ.

ඉදිරියේදී පැවැත්වීමට නියමිත උතුරේ පළාත් සභා ඡන්දය රජයට ජයගත හැකියි කියලා ඔබට විශ්වාසයක්‌ තියෙනවද?

ඉදිරියේ එන මැතිවරණයකදී උතුරේ දෙමළ ජනතාව දෙමළ ජාතික සන්ධානය ප්‍රතික්‍ෂේප කරයි කියලා අපට ලොකු විශ්වාසයක්‌ තියෙනවා.

උතුර නැගෙනහිර දෙමළ ජනතාව මුහුණ දෙන ප්‍රශ්නයට විසඳුම් සෙවීමේදී තෙවැනි පාර්ශ්වයක්‌ සහභාගි කරවා ගැනීමේ දැඩි උත්සාහයක්‌ දෙමළ ජාතික සන්ධානයට තියෙනවා.

දැනටමත් දෙමළ ජාතික සන්ධානයේ පිරිසක්‌ ඇමරිකානු රජයේ ඉහළ නිලධාරීන් හමුවීමේ දැඩි උත්සාහයක නිරත වෙනවා. මෙය අනුමත කළ හැකි තත්ත්වයක්‌ද?

දෙමළ ජාතික සන්ධානයට මෙම ප්‍රශ්නය විසඳිය යුතුයි කියන කැමැත්තක්‌ නැහැ. මෙය දිගුකාලීන ප්‍රශ්නයක්‌ කරගැනීමටයි ඔවුනට අවශ්‍ය. එවිට තමන්ගේ දේශපාලනය රැකගත හැකි බවයි ඔවුන් විශ්වාස කරන්නේ. ඔවුන් විදේශ රටවල නියෝජිතයන් සමග විදෙස්‌ බලවේග මෙම ප්‍රශ්නයට සහභාගි කරවාගන්න උත්සාහ කරන්නේ එනිසයි.

දෙමළ ජාතික සන්ධානයේ ඉතිහාසය දෙස බැලූ විට පෙනී යනවා ඔවුන්ට මෙම ප්‍රශ්නය විසඳීමට වුවමනාවක්‌ නැතැයි කියන කාරණය. අඬන කාන්තාවම තමයි දරුවාත් ප්‍රසූත කරගත යුත්තේ. වේදනාව තියෙන කාන්තාවම තමයි වේදනාව නැති කරගැනීමට කටයුතු කළ යුත්තේ. අපේ ප්‍රශ්නයක්‌ තියෙනව නම් විස¹ගත යුත්තේත් අපිමයි. එA සඳහා වෙන කවුරුවත් මැදිහත් විය යුතු නැහැ.

ඇමරිකානු රාජ්‍ය සහකාර ලේකම් පසුගියදා ශ්‍රී ලංකාවට පැමිණි අවස්‌ථාවේදී උතුරටත් ගියා. පසුව කොළඹදී මාධ්‍ය සාකච්ඡාවක්‌ පැවැත්වූවා. එහිදී ඔහු චෝදනා කළා දැනටත් උතුරේ අවිගත් කණ්‌ඩායම් ඉන්නවා කියලා. ඔබ උතුර නියෝජනය කරන ප්‍රධාන ඇමැතිවරයෙක්‌. එම නිසා මෙම චෝදනාවේ කොටසක්‌ ඔබටත් එල්ල වෙනව නේද?

රොබට්‌ ඕ බ්ලේක්‌ මේ වතාවේදී පමණක්‌ නොවෙයි මීට පෙරත් මෙවැනි චෝදනා එල්ල කරලා තියෙනවා. නමුත් එA කාලයේදී එA රොබට්‌ ඕ බ්ලේක්‌ මහතා කියූ දේ ඇත්ත වෙන්න පුළුවන්.

2009 මැයි මාසයේ දහඅට වැනිදායින් පසුව යාපනයේ එහෙම දෙයක්‌ නැහැ. එතුමා කියන පරිදි එවැනි කණ්‌ඩායමක්‌ හෝ පිරිසක්‌ එහේ නැහැ.

2009 මැයි මාසයේ දහඅට වැනිදාට පෙර කොටි ළඟත් අවි ආයුධ තිබ්බා. හමුදාව ළඟත් ආයුධ තිබුණා. දෙපාර්ශ්වයම ආයුධ සන්නද්ධව සිටියා. දැනට රොබට්‌ ඕ බ්ලේක්‌ කියන ආකාරයේ අවිගත් කණ්‌ඩායමක්‌ උතුරේ නැහැ. වෙන අභ්‍යන්තර අරමුණක්‌ ඇතිව එA මහතා මේ කතාව කියනවද දන්නේ නැහැ.

යුද්ධය ඉවරවෙලා අවුරුදු දෙකක්‌ ඉක්‌මවා ගියත් උතුර නැගෙනහිර ඉඩම් ගැටලු නිරාකරණය රජයට තවමත් නොහැකිවී තිබෙනවා.

ඉඩම් අයිතිය පිළිබඳ ප්‍රශ්නයක්‌ එහේ තියෙනවා. රජය ඉඩම් ලියාපදිංචි කිරීම පිළිබඳව දීප ව්‍යාප්ත වැඩපිළිවෙළක්‌ මේ දවස්‌වල ක්‍රියාත්මක කර තිබෙනවා. එය යාපනයේත් ක්‍රියාත්මක වෙනවා. පසුගිය කාලයේදී උතුර නැගෙනහිර සිවිල් පාලනයක්‌ නොතිබූ නිසාත්, යුද්ධය හා තවත් විවිධ හේතු නිසාත් ඉඩම් ඔප්පු ඇතුළු ඊට අදාළ ලේඛන සියල්ල පාහේ නැති වුණා.

එනිසා අමාත්‍ය මණ්‌ඩලයේ අනුමැතිය හා මඟපෙන්වීම යටතේ ඉඩම් කොමසාරිස්‌වරයා විසින් ඉඩම් ඔප්පු ලේඛන නැතිවූවන්ට යළි එAවා ලබාදීමට කටයුතු කරමින් සිටිනවා. දැනටමත් ඔවුන්ගේ නම් ලියාපදිංචි කරගෙන එම අවශ්‍ය කටයුතු ආරම්භ කර තිබෙනවා. එA නිසා ඉතා ඉක්‌මණින් ඉඩම් ගැටලු සම්බන්ධයෙන් වූ ප්‍රශ්නවලට විසඳුම් ලැබේවි.

රජයට සහ රණවිරුවන්ට එරෙහිව ක්‍රියාත්මක වන යුද අපරාධ චෝදනා ගැන ඔබ මොකද කියන්නේ? දෙමළ ඩයස්‌ පෝරාවත් මේ යට සිටින බවයි පැවසෙන්නේ.

දෙමළ ජනතාව මුහුණ දුන් ප්‍රශ්න දෙකක්‌ තිබුණා. එකක්‌ ත්‍රස්‌තවාදී ප්‍රශ්නය. එය දැන් අවසන් කරලා තියෙනවා. දැනට දේශපාලන අයිතිවාසිකම් සම්බන්ධ වූ ප්‍රශ්නය තියෙනවා. එම ප්‍රශ්නය විසඳීමට පාර්ලිමේන්තු තේරීම් කාරක සභාවක්‌ පත් කිරීමට යනවා. එමගින් තමයි මේ ප්‍රශ්නයට විසඳුමක්‌ සොයාගත හැක්‌කේ. එA කෙරෙහි සියලු දෙනාගේ අවධානය යොමු කරන්න කියලයි අපි ඉල්ලන්නේ. දෙමළ ඩයස්‌පෝරාව සහ රටට එරෙහිව චෝදනා කරන අයගේ අරමුණ වන්නේ තමන්ගේ දේශපාලනික අරමුණු ඉටුකර ගැනීමයි. රජයට එරෙහිව සිදු කරන ඔය චෝදනාවල කිසිදු පදනමක්‌ නැහැ.

ජනාධිපතිවරයාට එරෙහිව ඇතැම් රටවල් නඩු පැවරීමේ උත්සාහයක නිරත වෙනවා. ඕස්‌ටේ්‍රලියාවේදී එA බව අප දුටුවා.

එගොල්ලන්ගේ ස්‌වයං වාසිය තකා සිදුකෙරෙන දේශපාලනය නිසයි අප මත මේ වගේ දේවල් පටවන්න උත්සාහ කරන්නේ. නමුත් මේ දේවල් තාවකාලිකයි. තව ටික දවසක්‌ යන විට මේ සියලු දේවල් පහවෙලා යාවි.

සමහරු උත්සාහ කළා අප රට යටත් කරගන්න. නමුත් එA අයට එA දේවල් කරන්න බැරි වුණා. නිදහස්‌ චින්තනයක්‌ ඔස්‌සේ අප රටේ නායකත්වය ක්‍රියා කිරීම එA අයට උහුලන්න බැරිවෙලා තියෙනවා.

පසුගිය කාලයේදී සන්ධානයේම දේශපාලනඥයන් අතර විරසකභාවයන් ඉදිරියට ආවා. ඊට ආසන්නම සිද්ධිය අප මුල්ලේරියාවේදී දුටුවා. මෙම තත්ත්වය ඔබ දකින්නේ මොන ආකාරයෙන්ද?

මේ වගේ ප්‍රශ්න හැමතැනම තියෙනවා. දකුණේ මේ වගේ ප්‍රශ්න ඇතිවන්නේ සමානුපාතික ඡන්ද ක්‍රමය නිසායි. මෙම ඡන්ද ක්‍රමය නිසා පාලක පක්‍ෂය වගේම විපක්‍ෂයේ අය අතරත් ගැටුම් ඇතිවෙනවා. කෙසේ නමුත් එAවා අප අනුමත කරන්නේ නැහැ. වසන්ත ලියනගේ

Source-Divaina

ඩයස්‌පෝරාවේ ................

news sri lanka Monday, November 7, 2011

ඇමති බලා සිටියදී දළ පූට්ටුවා ගුටිකයි

වෙඩි වැඳීමෙන් සිදු වූ තුවාල සහිතව කලා වැව රක්ෂිතයේ ප්‍රතිකාර ලබමින් සිටින ගල්ගමුවේ  දළ පූට්ටුවාට එම රක්ෂිතයේ සිටින වෙනත් අලින් දෙදෙනෙකු විසින් ඊයේ (03) අවස්ථා කිහිපයකදී පහර දී ඇත.


පශු වෛද්‍යවරුන්ගේ කැපවීම මත දින හතරක් තිස්සේ ප්‍රතිකාර ලබන ඇතාගේ තත්වය සොයා බැලීමට කලාවැව රක්ෂිතයට පැමිණි වනජීවී ඇමති එස්.එම්.චන්ද්‍රසේන මහතාට එම පහරදීම සියැසින් දැකගත හැකිවිය.

ඇතාට පහරදුන් වල් අලින් දෙදෙනා පලවා හැරීමට උපදෙස් දුන් ඇමැතිවරයා ඇතා පිළිබඳව විශේෂ අවධානයෙන් සිට ආරක්ෂාව සපයන ලෙසද වනජීවී නිලධාරීන්ට උපදෙස් දුන්නේ ය.පසුගිය දා කැකිරාව නගරයේ මහාඅකලබැගෑනියක් ඇතිකළේ මෙම දළ පූට්ටුවා ය.

දිවයින

ඇමති බලා සිටියදී දළ පූට්ටුවා ගුටිකයි

news sri lanka Sunday, November 6, 2011

කටගැස්ම නැතැයි උරණ වී ඒ.එස්.පී.අවන්හලක යකා නටයි

තඹුත්තේගම නගරයේ පිහිටි රජයේ අනුමත අවන්හලකට ඉකුත් 01 දා රාත්‍රී කටගැස්මට යමක් ලබාගැනීමට බීමත්ව නිල ඇදුමින් සැරසී පැමිණ ඇති සහකාර පොලිස් අධිකාරවරයකු එහි සේවය කළ සේවයකුට පහර දී ඇති අතර වීදුරුවකට මත්පැන් පුරවා තවත් සේවයකුට  පහර දී ඔහුගේ හිසකෙස්වලින් අල්ලා බලහත්කාරයෙන් මත්පැන් වීදුරුවක් පොව තිබේ.

මේ සිද්ධිය සම්බන්ධයෙන් උතුරුමැද පළාතේ ජ්‍යෙෂ්ඨ නියෝජ්‍ය පොලිස්පති සී.ඩී.වික්‍රමරත්න මහතාගේ නියෝගය මත විශේෂ පරීක්ෂණයක් ආරම්භ කොට ඇත.
Divaina

කටගැස්ම නැතැයි උරණ වී ඒ.එස්.පී.අවන්හලක යකා නටයි

news sri lanka

නැන්දාගේ නිවසේ නිදාසිටි තරුණියක් පැහැරගෙන දින 3ක් රඳවාගෙන

නැන්දාගේ නිවසේ නිදා සිරි 16 හැවරිදි තරුණියක් පැහැරගෙන ගොස් දින තුනක් රඳවා තබාගෙන අතවර කිරීමේ ශෝචනීය සිධියක් කුරුණෑගල මහාධිකරණයෙන්  වාර්තා වෙයි.

2009-8-25 හෝ ඊට ආසන්න දිනයකදී අඹන්පොළ ප්‍රදේශයේ 16 හැවැරිදි තරුණියක් පැහැරගෙන ගොස්
දිනතුනක් තැනින් තැන රඳවා අතවර කළා යැයි තරුණයන් දෙදෙනෙක් මේ නඩුවේ චෝදනා ලැබ සිටියේ ය.
පැමිණිළිකාරිය සාක්ෂි කූඩුවේ සිට තමාට සිදුවූ අපරාධය ගැන අධිකරණය ඉදිරියේ සාක්ෂි දෙන විට විත්තිකරුවන් විත්තිකුඩුවේ සිට වරින් වර ඇගේ මුහුණ දෙස එබී බලන්නට විය.

රජයේ නීතීඥ මහතා විසින් නඟන ලඳ ප්‍රශ්නවල උත්තර දුන් ඇය මෙසේද කීවාය.


''මාව කිරි අම්මාට බාරදී අම්මා මැදපෙරදිග රැකියාවකට ගියා.සිද්ධිය වූ දවසෑඉ කිරිඅම්මා කීව නැන්දා තනියම අද ගෙදර ඉන්නේ එහි ගිහිල්ල නිදාගන්න කීවා.


මම මල්ලිත් සමඟ නැන්දලාගේ ගෙදර මැද සාලයේ නිදාගත්ත.රාත්‍රී 11.00ට පමණ දෙන්නෙක් සාලයට ඇතුළු වී මාගේ කටට රෙදි ගුලියක් ඔබා මාව උසා ගෙන කැලයට ගියා.
පාන්දර 5.00ට පමණ මාව කෙනෙකුගේ නිවසකට ගෙන ගියා.පසුදින උදේ විශාල ගල්තලාවකට ගෙන 
ගියා.එතනින් ඉඟිනියාගල ප්‍රදේශයට  ගෙන ගියා.


මෙහිදී දෙවැනි විත්තිකරු මාගේ මුහුණට පහරක් ගසාඅපි කියන දේ කරපන්,නැත්නම් මරාදමනවා කියා තරවටු අළා.මාව හොයන ආරංචිය ලැබී ඔවුන් මාව වනාන්තරයේ තනිකර දමා ගියා.අඹන්පොළ පොලීසියෙන් පැමිණ මාව මහව රෝහලට ඇතුළත් කළා.පසුව කුරුනැගල රෝහලට මාරු කළා.

විත්තියේ හරස් ප්‍රශ්නවලට උත්තරදීමට කාලවේලාව මදි බැවින් වැඩිදුර විභාගය දෙසැම්බර් 29 දිනට කල්තැබූ විනිසුරුවරයා,එදිනට පැමිණිළි කාරිය හැර අන් සියලු සාක්ෂිකරුවන් අධිකරණයේ පෙනී සිටින ලෙසට නියෝග කළේ ය.

දිනමිණ

නැන්දාගේ නිවසේ නිදාසිටි තරුණියක් පැහැරගෙන දින 3ක් රඳවාගෙන

news sri lanka

සංචාරකයන්ට රට එපාකරවන

සංචාරකයන්ට රට එපාකරවන
"බිල්ලෝ"

සංචාරක ව්‍යාපාරය මෙරට ප්‍රධානතම ආදායම් මාර්ගය බවට පත්කරගන්නට රජය විවිධ කටයුතු රැසක්‌ සිදුකරමින් තිබේ. එහෙත් ඒ ක්‍රියාමාර්ග තුළින් කොතෙක්‌ දුරට සංචාරක ව්‍යාපාරය වර්ධනය වේ දැයි ගැටලුවකි. ලොව බොහෝ රටවල ප්‍රධානතම ආදායම් මාර්ගයක්‌ වන සංචාරක ව්‍යාපාරය සොබාදහමේ අපූර්වත්වයෙන් අනූන අපේ රටේ ප්‍රධාන ආදායම් මාර්ගයක්‌ කරගන්නට නොහැකි වීම කනගාටුවට කරුණකි. අපේ රටේ සංචාරක ව්‍යාපාරය තුළින් මුදල් ඉපයීම හරිහැටි නොකිරීම ප්‍රධාන ප්‍රශ්නයකි. ලොව ප්‍රධානතම සංචාරක කේන්ද්‍රස්‌ථානවලදී සංචාරකයන්ට විවිධ ක්‍රියාකාරකම් වල යෙදෙන්නට දී ඒවා හරහා මුදල් උපයා ගැනීම් සිදුකරනු ලබයි. උදාහරණයක්‌ ලෙස ඩිස්‌නිලන්තය ගතහොත් එහි සෑම විනෝදාස්‌වාද අවස්‌ථාවකදීම ඡායාරුප ගතකර ඒවා විකුණනු ලබයි. ලොව සෑම තැනම එලෙසය. ඒ හරහා විශාල මුදල් උපයා ගත හැක. සංචාරකයන්ට දේශීය ආහාර සිරිත් විරිත් රටට ආවේණික සතුන් ගහ කොල ආදී සියල්ල පිළිබඳ නිසි අවබෝධයක්‌ සංචාරකයන්ට ලබාදී ඒ හරහා මුදල් වියදම් කර ඒ දේවල් ලබාගන්නට ඒවා රස විඳින්නට අවස්‌ථාව සැලසිය යුතුය.

තායිලන්තය උදාහරණයට ගතහොත් එරට ජාතික ගුවන් සේවාවන්හි ලබාදෙන ආහාර පාන පවා තායිලන්තයට අයත් ඒවාය. එහෙත් අපේ රටේ එලෙස නොවේ. අපේ රටේ ගුවන් සේවයෙන් විදෙස්‌ ආහාර පාන වලින් සප්පායම් වෙමින් අපේ රටට පැමිණෙන සංචාරකයන් ගුවන්තොටුපළෙන් බැස ජපන් වාහනවලින් ගොස්‌ හෝටලයට යති. හෝටල්වල කෑම සිට ඇඳ ඇතිරිල්ල සිට සියල්ලම පාහේ ඇත්තේ විදේශ රටවලින් ගෙන ආ දේය.

හෝටල් කාමරයේ කුඩා ශීතකරණය විවෘත කළ විට එහි ඇත්තේ ද විදේශ මත්පැන්ය. නැත්නම් ඇපල් ගෙඩිය. තැඹිලි ගෙඩියක්‌, මෙරට ඖෂධීය පානයක්‌ හෝටල්වල නොමැති තරම්ය.

ලොව අන් හැම රටකම සංචාරක හෝටල්වල ඒ ඒ රටට ආවේණික ආහාර ඇතත් අපේ රටේ එලෙස නැත.

සිංහරාජයට යන සංචාරකයන්ට ටුවර් ගයිඩ්ලා පවසන්නේ කූඩැල්ලන්ගෙන් ප්‍රවේශම් වන ලෙසය. අපේ රටේ පැඟිරි තෙලින් නිෂ්පාදිත ඖෂධ ගල්වා කූඩැල්ලන්ගෙන් ආරක්‍ෂා විය හැකි ක්‍රමය ඔවුන් කිසිවිට පවසන්නේ නැත. මේ සියල්ල විදේශිකයන්ට ඇලෙවි කළ හැකි දේය. ලෝකාන්තය බලන්නට යන දේශීය විදේශීය සංචාරකයන්ට කන්නට බොන්නට තැනක්‌ නැත. එහි බොහෝ දුරක්‌ පයින් යන්නට ඇතත් අතරමඟ වැසිකිළියක්‌වක්‌ නැත. ජලය ආහාර නැත. ලෝකාන්තයේ සිට ඈත නරඹන්නට සොබාදහමේ අසිරිය නරඹන්නට දුරදක්‌නා පහසුකම්වත් එහි ඇතිකර නැත. මේ සියල්ල අපේ රටට විශාල වශයෙන් මුදල් ලබාගත හැකි ස්‌ථානය.

අපේ රටේ ආයුර්වේද වෛද්‍ය ක්‍රම, සම්භාහන ක්‍රම ආදියෙන් විදේශිකයන්ගෙන් විශාල ලෙස මුදල් ඉපයීම් කළ හැක. ඒ තුළින් අති විශාල විදේශ විනිමයක්‌ මෙන්ම රැකියා ලක්‍ෂ ගණනින් උත්පාදනය කළ හැක. ඔන් එරයිවල් වීසා ක්‍රමය අත්හිටුවීම සංචාරක ව්‍යාපාරය ප්‍රවර්ධනය කිරීමේ ප්‍රතිපත්තියට වැදුනු මරු පහරක්‌ බව අපගේ හැඟීමය. මේ ක්‍රමයේ කිසියම් පාලනයක්‌ අවශ්‍යව තිබූ බව සත්‍යයක්‌ වුවත් එක්‌වරම ඊට ඩොලර් පනහක සේවා ගාස්‌තුවක්‌ එක්‌කළ විට එයින් සංචාරකයන්ගේ පැමිණීමට යම් බලපෑමක්‌ එල්ලවීම වැළැක්‌විය නොහැක. විශේෂයෙන් අපේ රටට වැඩිපුරම සංචාරකයන් පැමිණෙන්නේ අසල්වැසි ඉන්දියාවෙනි. ඉන්දියානුවන්ට ඩොලර් පනහක්‌ යනු විශාල මුදලකි. අනෙක්‌ අතට ඉන්දියාවට යැමට වීසා ගාස්‌තුව ලෙස ශ්‍රී ලාංකිකයන්ට ගෙවීමට ඇත්තේ ඩොලර් තුනක පමණ මුදලකි. යම් ලෙසකින් ඉන්දියාවද අපට එකට එක කළහොත් ශ්‍රී ලාංකිකයන් බොහෝ දෙනකුට දඹදිව චාරිකාවද සිහිනයක්‌ වනු ඇත.

ඉන්දියාව අපට නොමිලේ වීසා ලබා නොදෙද්දී අප ඉන්දියාවට එලෙස ලබාදෙන්නේ ඇයි දැයි යමෙකුට තර්ක කළ හැක. ශ්‍රී ලංකාව පැත්තෙන් බැලූ කල නම් කෙනෙකුට තර්ක කළ හැක. එහි යම් තර්කයක්‌ ඇතත් ඉන්දියාව වැනි විශාල ජනගහණයක්‌ ඇති රටක ජනතාව ශ්‍රී ලංකාවට පැමිණීමේ අඩුවක්‌ සිදුවුවහොත් එහි පාඩුව ශ්‍රී ලංකාවටමය. කෙසේ වෙතත් ශ්‍රී ලංකා වීසා සේවා ගාස්‌තුව අඩු කරන්නට මේ වන විට බලධාරීන් කටයුතු කරන බව සඳහන්ය.

මෙරට බලධාරීන් හොඳින් මතක තබාගත යුත්තේ සංචාරකයන්ට අපේ රට මෙන්ම ලොව සංචාරය කරන්නට තවත් ඕනෑ තරම් රටවල් ඇති බවය.

ලොව ප්‍රධානතම සංචාරක ආකර්ෂණයන් වන සිංගප්පූරුව හා මාලදිවයින යන රටවල ඔන් එරයිවල් වීසා ක්‍රමය තවමත් ක්‍රියාත්මකය. රටට පැමිණෙන සංචාරකයන් ලෙස ශ්‍රී ලංකාව වෙත වෛද්‍ය ප්‍රතිකාර සඳහා එන දකුණු ආසියානු රටවල වැසියන්, සරණාගතයන් ලෙස ඉල්ලුම් කරන්නට පැමිණෙන්නන්, විවිධ රැකියා සොයා මෙරටට පැමිණෙන්නන් පවා මෙරට සංචාරක ප්‍රධානීන් විසින් ගණන් ගනු ලබන්නේ ඔවුන්ගේ සංඛ්‍යා ලේඛන වැඩිකර ගන්නටය. 2011 ක්‍රිකට්‌ ලෝක ශූරතාව පැවැත්වීම නිසා මෙරටට පැමිණි විදේශිකයන් ප්‍රමාණය වැඩිවීම සංචාරක අංශවල ප්‍රධානීන්ගේ සාර්ථකත්වයක්‌ නොවේ. අපේ දේශීය ආහාර ප්‍රවර්ධනය නොකිරීම මෙරට සංචාරක ව්‍යාපාරයේ ඇති ප්‍රධාන අඩුපාඩුවකි. අපේ ජාතික ගුවන් සේවයේ පවා ආහාර ලෙස බොහෝවිට දෙන්නේ විදෙස්‌ ආහාර වර්ගයන්ය. අපේ රටට ආවේණික කිරිපැණි වැනි ආහාර මාළු ඇඹුල්තියල්, අපේ රටේ පලතුරු ඒවායේ නොදෙන තරම්ය. අපේ ජාතික ගුවන් සේවය හරහා අපේ ආහාර අපේ දේ ප්‍රචලිත කරන්නට රටක්‌ ලෙස කටයුතු නොකිරීම විශාල වරදකි. සංචාරක ව්‍යාපාරය හා බැඳී පවතින ප්‍රධාන ව්‍යාපාර නම් සූදු හා විනෝද ක්‍රීඩාය. ඉදිරියේදී මෙරට සංචාරක කලාපවල කැසිනෝ, සූදු හා විනෝදාත්මක ව්‍යාපාර සඳහා විශාල වශයෙන් විදෙස්‌ සමාගම් පැමිණෙන්නට නියමිත බව සඳහන්ය. මේ ව්‍යාපාර අතිශය ලාභදායකය. එබැවින් ඒවායේ ලාභය හිමිකර ගත යුත්තේ රජය හෝ දේශීය ව්‍යාපාරිකයන්ය. ලොව බොහෝ රටවල එවැනි ව්‍යාපාර පොදුවේ විවෘත කර විදෙස්‌ සමාගම්වලට ඉඩ නොදෙන්නේ විදෙස්‌ සමාගම් උපයාගන්නා මුදල් ඔවුනොවුන්ගේ රටවලට රැගෙන යන නිසාය.

වාර්ෂිකව සංචාරකයන් මිලියන තිහක්‌ පැමිණෙන සිංගප්පූරුවේ ඇත්තේ කැසිනෝ හා සූදු හල් සමාගම් දෙකකි. ඒවා ඒ රටේ ව්‍යාපාරය. සූදුව සඳහාම ප්‍රචලිත මැකාවෝහි ඇත්තේද එරටට අයත් ඒකාධිකාරයකි.

එහෙත් දැනට කැසිනෝ සඳහා ශ්‍රී ලංකාවේ අයකරගන්නේ වාර්ෂිකව මිලියන පනහක බද්දකි. මේ බද්ද වසරකට මිලියන දෙසීයක්‌ දක්‌වා වැඩි කළ යුතුය. එම ව්‍යාපාර වලින් ලබන අති විශාල ආදායම් නිසා එවැනි විශාල බද්දක්‌ අයකළාට කමක්‌ නැත.

එසේම අපේ රටේ ඇති සංචාරක හා සංස්‌කෘතික වටිනාකම්වලට හානියක්‌ නොවන පරිදි මේවා පවත්වාගෙන යැමට අවශ්‍ය නීති රීතිගෙන ආ යුතුය.

හන්දියක්‌ හන්දියක්‌ ගානේ කැසිනෝ ශාලා, සූදු හල් ඇති කළ නොහැකි පරිදි නව නීති ගෙන ආ යුතුය.

මේවා නිසි ලෙස කළමනාකරණය කරන අතරම ඒවායේ ලාභය විදේශිකයන් රැගෙන නොයන ආකාරයට නව නීති ගෙන ආ යුතුය. අද වන විට හෝටල් සඳහා ඉඩම් ලබාගන්නට සංචාරක මණ්‌ඩලයේ ඉහළ නිලධාරීන්ට අල්ලස්‌ දෙන්නට සිදුව තිබේ. එම නිසාම අද වන විට හෝටල් ඉදිකරන්නට යන මුදලට ආසන්න මුදලක්‌ මේ නිලධාරීන්ට අල්ලස්‌ ලෙස දෙන්නට දෙස්‌ විදෙස්‌ ආයෝජකයන්ට සිදුව තිබේ. අදාළ ඇමැතිවරුන්ගේ කිසිදු අනුදැනුමක්‌ නැතිව ඔවුන්ගේ නම් විකුණා මේ ජාවාරම් සිදුවන බව සඳහන්ය. පසුගිය කාලයේ ත්‍රිකුණාමලය කුච්චවේලි ප්‍රදේශයේ වෙරළාසන්න ඉඩම් කැබලි 43 ක්‌ සංචාරක ව්‍යාපාර සඳහා දේශීය ව්‍යාපාරිකයන් සඳහා ලබාදෙන ලදී. පසුව සංචාරක මණ්‌ඩලය වෙත පත්ව ආ ඉහළ නිලධාරියකු මේ සියලු ඉඩම් ලබාදීම අත්හිටුවන ලදී.

ඒ වන විටත් මේ ඇතැම් දේශීය ආයෝජකයන් හෝටල් සෑදීම ආරම්භ කර තිබිණි. තවත් බොහෝ ආයෝජකයන් සියලු සැලසුම් පවා සකස්‌ කර තිබිණි. ප්‍රාදේශීය සභා ඇතුළු රාජ්‍ය ආයතනවලට මුදල් පවා ගෙවා තිබිණි. අදාළ ව්‍යාපෘති අතරමඟ නවතා දැමීමෙන් මේ දේශීය ආයෝජකයන්ට රුපියල් මිලියන සිය ගණන් පාඩු සිදුව තිබේ.

රජයේ මැදිහත්වීමෙන් පසුගිය කාලයේ හෝටල් ගාස්‌තු වැඩිකරන ලදී. එහෙත් ඊට සාපේක්‍ෂව හෝටල්වල පහසුකම් කිසිවකුත් වැඩිකර නැත. එය විශාල අඩුවකි. මේ තරම් විශාල ගාස්‌තු අයකරන විට අඩුම තරමින් කාමරවලට පලතුරු කූඩයක්‌වත් ලබාදෙන්නට හෝටල් හිමියන් පියවර ගත යුතුය. අනෙක්‌ අතට හෝටල් ගාස්‌තු සම්බන්ධයෙන් තරගකාරීත්වයක්‌ ඇතිවන්නට ඉඩහැරීම මිස රජය මැදිහත් වී ගාස්‌තු නියම කිරීම ද නොකළ යුතුය. සංචාරක ව්‍යාපාරයේ වර්ධනයට ශ්‍රී ලංකාව පිරිසිදු රටක්‌ වීම බෙහෙවින් බලපායි. පාරේ කුණු දමන්නන්ට එරෙහිව ක්‍රියාත්මක නීතිය හොඳ එකක්‌ වුවද කුණු දමන්නට තැන් තවමත් ඉදිකර නැත. ලොව අන් රටවල සෑම බස්‌ නැවතුමකම, දුම්රිය ස්‌ථානයකම, පාර මාරුවන ස්‌ථානයකම, පාරවල් දිගේ හා පොදුවේ සෑම ස්‌ථානයකම කුණු දමන භාජන ඇත. ඒ නිසා ජනතාව පහසුවෙන්ම ඒවා භාවිත කරන්නට හුරු වී තිබේ. එහෙත් අපේ රටේ මේ නීති තද ලෙස ක්‍රියාත්මක කරනවා හැර කුණු දමන භාජන ප්‍රධාන ස්‌ථානවල ඇත්තේ ඉතාම අඩුවෙනි. එහෙත් කුණු දමනවා දැයි බලන්නට පොලිස්‌ නිලධාරීන් නම් යොදවා තිබේ. මේ පොලිස්‌ නිලධාරීන් යොදවන වියදමින් කුණු දමන භාජන යෙදුවහොත් කොතරම් අගනේද?

අනෙක්‌ අතට අද රට පුරා හොරකම්, මිනීමැරුම්, ස්‌ත්‍රී දූෂණ වැඩි වී තිබේ. රත්රන් මාලයක්‌ දමාගෙන පාරේ යන්නට නොහැකි තත්ත්වයක්‌ අද රටේ ඇත. පසුගිය දිනවල විදේශික තරුණියන් පවා දූෂණය විය. මේ තරම් රටේ අපරාධ වැඩිවන්නට හේතුවී ඇත්තේ පොලිස්‌ නිලධාරීන්ට ඔවුන්ගේ සාමාන්‍ය රාජකාරි වලට වඩා වෙනත් රාජකාරි සිදුකරන්නට වීම නිසාය. පාරේ කුණු දමන පිරිස්‌ අල්ලා ගැනීම, පෝස්‌ටර් ගසන අය ඇල්ලීම, දේශපාලකයන් පාරේ ගමන් කරන විට හන්දියක්‌ හන්දියක්‌ ගානේ බලාගෙන සිටීම, දේශපාලකයන් සහභාගි වන උත්සව වලට දහස්‌ ගණනින් සහභාගිවීම අද පොලිස්‌ නිලධාරීන්ගේ කාර්යභාරය වී තිබේ. පොලිස්‌ නිලධාරීන් මේ සියලු අනවශ්‍ය කාර්යයන්ගෙන් ඉවත් කර නීතිය හා සාමය ආරක්‍ෂා කරන පිරිසක්‌ බවට පත්කරලන්නට රජය වහාම පියවර ගත යුතුය. මෙරට සංචාරක ව්‍යාපාරය දියුණු කරන්නට ඇති තවත් ප්‍රධානතම බාධාවක්‌ වන්නේ මෙරට ඇතැම් පරිසර සංවිධානයන්ය.

විශේෂයෙන්ම සංචාරක ව්‍යාපාරය පරිසරය හා බැඳුනකි. පරිසරය රැකගනිමින් සංචාරක ව්‍යාපාරය ප්‍රවර්ධනය සිදුකිරීම කළ යුතුය. ලොව පුරා සිදුවන්නේ එයයි. වෙරළ තීරය, වනාන්තරය, වන සතුන් ආදිය නොමැතිව සංචාරක ව්‍යාපාරය දියුණු කළ නොහැක. එහෙත් සියල්ල සොබාදහම රැකගෙන කළ යුතුය. එහෙත් අද සිදුවන්නේ මෙරට සංචාරක ව්‍යාපාරයේ වර්ධනයට සිදුවන හැම දේකටම පරිසර සංවිධාන විරුද්ධවීමය. එය කොතෙක්‌ දුරට සාධාරණදැයි සිතා බැලිය යුතුය. රජය පැත්තෙන් කියන්නේ විදෙස්‌ රටවලින් අරමුදල් සැපයෙන රාජ්‍ය නොවන සංවිධාන හරහා මේවා සිදුවන බවය. එහෙත් රටේ සංවර්ධනයට නම් සිදුවිය යුතුව ඇත්තේ දෙපාර්ශ්වයම යම් මධ්‍යස්‌ථ බවකින් කටයුතු කිරීමය. නැතහොත් එය සංචාරක ව්‍යාපාරයේ වර්ධනයට බාධාවකි. එහෙත් සංචාරක ව්‍යාපාරයේ නාමයෙන් වනාන්තර සතා සීපාවා විනාශ කිරීමද නොකළ යුතුය.

ලොව සුන්දරතම රටක්‌ වන ශ්‍රී ලංකාව සංචාරක ව්‍යාපාරයේ ඉහළම ස්‌ථානයක තබන්නට දැන්වත් රජය නිසි වැඩපිළිවෙළක්‌ සකස්‌ කළ යුතුය. ඒ සඳහා සුදුසු පුද්ගලයන් ප්‍රධාන තනතුරුවලට පත්කර සෝබන බොරුකාරයන් පල්හොරුන් පන්නා දැමිය යුතුය. එවිට විශාල ආදායමක්‌ රටට ලබාගෙන රැකීරක්‍ෂා ලක්‍ෂ ගණනක්‌ අලුතින් ඇතිකර රට දියුණු කළ හැක.
ජනිත සෙනෙවිරත්න
divaina

සංචාරකයන්ට රට එපාකරවන

news sri lanka Wednesday, November 2, 2011