skip to main |
skip to sidebar
කොළඹ පැල්පත් දිනාගැනීම සටන...
කතු සටහන...
මැතිවරණය එළඹෙත්ම දේශපාලනයේ පොරොන්දු මලු එළියට එන්නේ මහජනතාවට දරාගත නොහැකි ලෙස.ඇතැම් පොරොන්දු ඇසූ විට ජනතාවට ඉස්මුර්තා වෙන තත්වයට පත් වන්නේ එතරම්ම ඒ පොරොන්දු මහජනතාවට දරාගත නොහැකි නිසාය.
දැන් රටේ උදා වී ඇති ජනප්රියම පොරොන්දුව වන්නේ,කොළඹ පැල්පත් ගැනය.එදා ආර්.ප්රේමදාස ජනාධිපතිවරයාගේ පාලන කාලයේ ද පැල්පත් ජනප්රිය මාතෘකාවක් විය.කොළඹ පැල්පත් දිනාගැනීම ඇරඹෙන්නේ ඉදිරියේ පවතින පළාත් පාලන මැතිවරණයේ කොළඹ මහනගර සභාව ද ඡන්දයට ඇතුළ් වීමත් සමඟ.
කොළඹ පැල්පත්වාසින්ගේ ජීවිත සුඛිත මුදිත කිරීමට රජය මෙන්ම එජාපය ද දැවැන්ත පොරොන්දු මල්ලක් දී තිබේ.අමාත්ය විමල් වීරවංශ මහතා වරක් ප්රකාශ කළේ කොළඹ පැල්පත් 60,000ක් ඇති බව ය.
එජාපය තම සටන අරඹන්නේ කොළඹ පැල්පත්වාසීන් දිනාගැනීම සඳහා රජය ගෙන යන වැඩපිළිවෙළට පහර දීමෙන්.
රජය ආරක්ෂක ලේකම්වරයා ප්රධාන හමුදාවන් කොළඹ සංවර්ධනය සඳහා මූලිකත්වය ගෙන කටයුතු කරන විට එජාපය ප්රහාරය එල්ල කරන්නේ හමුදාව ලවා කොළඹ කාණු සුද්ද කරන බව ය.
එජාපය තීරණාත්මක කොළඹ මැතිවරණය මෙය ය.ආණ්ඩුවේද තීරණාත්මක මැතිවරණය මෙය ය.සියල්ලෝම කොළඹ ට ඇසගසා සිටිති.කොළඹ පැල්පත් වාසියාගේ ඡන්දය මිල කළ නොහැකිය.
කොළඹ ආසියාවේ ආශ්චර්යාත්මක කේන්ද්රස්ථානය බවට පත් කරන බව රජය පවසයි.පිළිගත යුතු සත්යයක් ද වේ. එදාට වඩා කොළඹ පිළිවෙලක් වී ඇති බව ය.එය කවුරුන්ගේ වැඩක් දැයි කීමට ඉස්සර නොවෙමු.
දැන් කොළඹ පැල්පත්වාසීන්ගේ ඥාතීන් බොහෝය. කැබ් රථවලින් පැමිණ දුකසැප විමසයි.මුඩුක්කුවේ ගඳ ගහන කණු මතින් රජවරු ඇවිද යති.සොටු පෙරාගත් දරුවන් වඩාගනිති.ඇතැමුන් ත්රීවිල්වල යති.දරුවන්ට
ලොසින්ජර් බෙදති.
සැමදාම දැකගතහැකි දේශපාලන බහිරූ මෙවර මැතිවරණයේ ද දැකගැනීමට හැකිය.කොළඹ පැල්පත් ආශ්රිතව කුඩු,ගණිකාව්යාපාර,පාතාලය ක්රියාත්මක වන බව බොහෝ දෙනාගේ අඳහස ය.එහි අසත්යක්ම නොවේ. නමුත් මේ මුඩුක්කුවල සිටින අඩුඅධ්යාපනය,පීඩනය,ලිංඉකත්වය,අසහනය,තෙරපීම,ලාභයක් ලෙසමිලට ගන්නේ කවුරුන් විසින් ද?
ඉහත කිවූ ව්යාපාර දැන් බොහොමයක් ඇත්තේ මුඩුක්කු වල නොවේ සුපිරි නිවාස,සුපිරි ගැහැණු මිනිස්සු,සුපිරි වාහන ඇති අය ළග බව ඇසෙන පුවත්වලින් පෙනේ.පොලීසිය වටලන්නේ සුපිරි ගණිකා නිවාස මිස මුඩුක්කු ගණිකා නිවාස නොවේ.මුඩුක්කු දෙස වපර ඇසින් බැලීමේ වරද මුළු මහත් සමාජය විසින් ම සිදු කරන බව නම පෙනෙ. මේ ආකල්පය විසඳාගත යුතුය.ආකල්ප වෙනසක් ඇති කොට කොළඹ පැල්පත් ජයගැනීම කළ යුතුය.එසේ නැතිව කොළඹ ජයගැනීම සිදු නොවේ.
ගෙයක් පාරක් ලාබාදුන්නායි පමණකින් පැල්පත දිනාගැනීමට අඳහස් කිරීම බොළඳ දේශපාලන උප්පරවැට්ටියක් බව දන්නෝ දනිති.
No comments